Во Кавадарци недостигаат повеќе стручни профили за работа (видео)
Објавено: 6 февруари, 2023, во 15:38 часот
Општина Кавадарци почнувајќи од следната учебна година ќе го реализира процесот на уписната политика во средно образование согласно потребите на пазарот на трудот и ќе ги продолжи активностите на кампањата „Учи паметно работи стручно“.
Денеска во општинската сала се одржа работна средба со компании, директори на средни училишта и претставници од Агенцијата за вработување на која се разговараше околу реалната потреба од стручен кадар кој ќе го продуцираат кавадаречките средни училишта. Беше нагласено дека голем е недостигот на работна сила од повеќе профили. Недостигаат бравари, металуршки техничари, електричари, медицински лица…, но и наставен кадар по повеќе предмети.
Во моментов во Центарот за вработување Кавадарци има евидентирано 1600 активни баратели на работа.
Ангел Данов
