Др Тренчев:„На млада возраст задолжителна вакцинација а на средна возраст редовни гинеколошки прегледи“ (фото и видео)

Болеста канцер на грло на матка е премногу опасна болест во државата поради предрасудите на женската популација и најчесто лекарите, специјалисти гинеколози, ја откриваат во доцна фаза. Жените на лекар одат кога болеста се манифестира преку контактно крварење при сексуален однос и појава на болки. Според др Аристотел Тренчев специјалист гинеколог, вака откриената болест е во напредна фаза и не дозволува хирушка интервенција кај пациентките. Слушнете ги препораките на др Тренчев во разговорот снимен со цел за рано превенирање на оваа болест кај жените.

Др Тренчев беше еден од лекарите кои им беа соговорници на вработените во компанијата „Ронтис“ на тема „Рано откривање и превенција од канцер“ што беше организирана од општествено одговорната компанија со цел за подигнување на јавната свест за поквалитетно јавно здравје на велешани. Освен др Тренчев на трибината говореа и советуваа уште три лекарки од Велес поточно две по Општа медицина, др Милка Панова и др Елена Јаневска, како и специјалистката по кардиологија др Весна Николовска Неделкова.

Убавка Јаневска