Издумани Крлевизми: „Патката не е омилена птица на сите новинари“
Објавено: 30 јануари, 2026, во 10:15 часот
Во овој петок, за читателската публика на Дума.мк, од афористичарот и сатиричарот Атанас Крлевски ги објавуваме напишаните 10-те нови афоризми. Негова инспирација изминатава седмица се работниците, политичарите ама и новинарите:
„Имаме богови, имаме цареви, а немаме работници.“
„Природно е на ВИ да ѝ подаруваме вештачко цвеќе.“
„Љубовта започнува на слепо, а завршува на глуво.“
„Сон на зрното песок е да сретне школка.“
„Внимателно со светците! Можеби се политичари.“
„Никогаш не претерувам. Освен, кога се додворувам!“
„Имам ушна мана. Не слушам озборувања.“
„Патката не е омилена птица на сите новинари.“
„Злобата е вештерка со метла, а зависта – без метла!“
„ На дното, мнозинството верува дека е на врвот.“
Вашиот, Атанас Крлевски
