Издумани Крлевизми: „Туѓиот компас може само да ве дезориентира“
Објавено: 19 декември, 2025, во 10:14 часот
Десет нови издумани Крлевизми од велешкиот афористичар Атанас Крлевски за читателите на Дума.мк. Започнете го викендот со насмевка!
- Лажните авторитети лажат, кога се колнат дека не лажат.
- Болест на нашето време: отсуство на срам.
- Ништо не работам по секоја цена. Претпочитам повисоки!
- Читајте, за полесно да ги читате луѓето.
- Има цветови со трње, но има и трње со цветови!
- Туѓиот компас може само да ве дезориентира.
- Дали вештачката интелигенција е поштена? Истрагата е во тек.
- Книгите започнаа да ги забрануваат. Не знаат дека забранетото посилно привлекува.
- Неверството започнува како искушение, а завршува како исповед.
- За мрзеливоста не постои разумно време.
Афористичар Атанас Крлевски
Дума.мк
