Коки: „Хуморот и смеата ја исполнуваат и лекуваат душата, но денес, за жал, се повеќе души се наоѓаат на интензивна нега”

Седум нови афоризми од велешанецот Никола Бошков – Коки за читателите на Дума.мк.

-Законите подлежат на промени и честопати се менуваат, единствено глупоста е неменлива и секогаш останува, уставна.

-Премиерот ги презентираше петте потрошувачки кошнички на граѓаните, но притоа изуми да посочи колку чини и тежи КОШНИЦАТА на политичарите и функционерите преполна со ориентални артикли, тендери, провизии…

-Хуморот и смеата ја исполнуваат и лекуваат душата, но денес, за жал, се повеќе души се наоѓаат на интензивна нега.

-Кога момчињата им се умилкуваат на девојките, се однесуваат како кандидатите за градоначалници во предизборието: ветуваат и она кое не се во состојба никогаш да го исполнат.

-Сите мажи се исти, рекоа жените, и продолжија да ги одбираат.

-Ако сопругата ви е последната дупка на вашата свирка, тогаш и вие сте последната свирка на нејзината дупка.

-Единствено во креветот можат да се видат голите вистини.

-Штом студентката на испит ќе се појави со разголени гради и кусо здолниште, значи дека таа е наполно подготвена, и…СПРЕМНА.

Афористичар Никола Бошков Коки

Дума.мк