Коки: „Луѓе, не обидувајте се да го барате совршениот ден, направете го овој, денешниот, да ви блеска.“

Осум нови афоризми од велешкиот афористичар Никола Бошков Коки. Прочитајте ги неговите најнови мисли исполнети со духовитост и остроумна опсервација на секојдневието.

-Дури и најмалиот зрак светлина, ја менува сенката на денот.

-Во желбата и обидот да го зголемат своето банкарско салдо, некои ново-стари, алчни градоначалници, ќе вложат голем труд и драгоцено време, да си ја доосиромашат…општината.

-Парламентот е најскапиот театар: билетите ги плаќа целиот народ.

-И покрај ЗАЛОЖБАТА на Владата да ги намали цените на прехрамбените продукти, тие и понатаму вртоглаво растат, единствениот артикл на кого цената му е замрзната до пролет е…ПЕНЗИОНЕРОТ, кој сеуште може да се „купи“ мошне ефтино, за смешни илјада денари.

-Луѓе, не обидувајте се да го барате совршениот ден, направете го овој, денешниот, да ви блеска.

-Наместо да ги поместат стрелките на часовникот час наназад, многуте жени би посакале да го вратат времето и годините од младоста, во сегашноста.

-Жената може многу лесно да ја изгуби контролата врз себе, но не и врз сопствениот маж.

-Денес се е лесно достапно, освен мирот во главата.

Афористичар Никола Бошков Коки

Дума.мк