Коки: „Постојат возачи, за жал, кои повеќе ги ценат пешаците на шаховската табла, отколку пешаците на пешачките премини“

Седумте афоризми кои што за читателите на Дума.мк ги напиша афористичарот Никола Бошков Коки гласат:

„Бракот е како виното, на почетокот сте пијани, а потем доаѓа главоболката.“

„На некои собраниски седници, пратениците се толку многу  психолошки оптоварени, што не се во состојба да си ги пресметаат патно- дневните трошоци.“

„И виното се поистовети со политичарите, и во него се помалку има вистина.“

„Постојано сум исправен пред дилемата дали и ние сме деца на револуцијата, или…и нас не донел штркот.“

„Ниту боемите не се веќе она што некогаш беа. Многумина се откажаа од убавите девојки и ексклузивните пијалоци…премногу се скапи.“

„Не ви вреди многу сознанието дека сопругата ви е на свое место, ако денес, на денот на љубовта, некој друг е на вашето.“

„Постојат возачи, за жал, кои повеќе ги ценат пешаците на шаховската табла, отколку пешаците на пешачките премини.“

Вашиот,КОКИ