Коки: „Таму каде што постои љубов, растојанието е само бројка“

Понеделнички нови девет афоризми од велешкиот афористичар Никола Бошков Коки. Инспириран од актуелните случувања, на духовит и сатиричен начин пишувал за бракот, политиката и секојдневните апсурди на современото живеење.

-На народот му е добро се дотогаш, додека не сфати колку му е лошо.

-Цените на прехрамбените производи воопшто не се намалија, единственото намалување што се чувствува, всушност е намалената доверба на граѓаните во господата што денес ја преставуваат Власта.

-Нашите актуелни политичари ни ветуваат Европа, ама…владеат како Османлии.

-Политиката кај нас е како брак, сите се незадоволни и негодуваат, ама никој не си оди.

-Најголема демократија има во сексот: секој може да заземе било каков став.

-Таму каде што постои љубов, растојанието е само бројка.

-Љубовта е состојба кога туѓата среќа станува твоја.

-Бракот е ветување дека ќе бидете тим и тогаш, кога светот е против вас.

-Среќен е оној брак, кога кавгата завршува со кафе, а не со куфер.

Афористичар Никола Бошков – Коки

Дума.мк