Стрип награден натпревар организиран од Стрип центар на Македонија – Велес

Организатор на кративна капања Стрип центар на Македонија за теми од животот и проблеми на роми кои се однесуваат на пристап до вода, дискриминација, сегрегација во образование, домување преку користење на креативната алатка стрип. Тоа значи дека креативни млади луѓе, ученици на територијата на државата, ќе можат да создаваат стрипови коишто треба да бидат долги до две табли и да содржат најмалку пет слики на А4 формат коишто не треба повеќе да тежат од 300дпи за да можат да се испратат по електронски пат. Ако стрипот е во боја препорачливо е да се испрати по пошта или да се достави лично. Креативните цртачи можат да ги употребуваат техниките молив, туш, колор и да испратат по еден стрип додека сценаристите можат да направат сценарио за повеќе стрипови.

Дозволено е исто така, во создавањето на еден стрип да работат и повеќе автори. Сите учесници на конкурсот можат да творат на македонски јазик или на јазиците на етничките заедници но задолжително треба да обезбедат превод на македонски јазик и кирилично писмо.

Во натрпреварот можат да учествуваат училишта и организации со нјамалку пет учесници. Креативните стрип цртачи создадените стрипови треба да ги испратат најдоцна до 25 јуни, годинава на адреса Стрип центар на Македонија – Велес, со назнака (за конкурсот), улица Васил Горгов бр. 78, 1400 Велес или преку е – маил: [email protected].

Сите пристигнати стрип цртежи ќе конкурираат за награди за прво, за второ и за трето место за најдобар стрип во целина, за награда за најдобар цртеж и за награда за најдобро сценарио. Стрип цртачите коишто се ученици ќе се натпреваруваат во категории на основци и средношколци.

Стефани Манева