За убав почеток на работната седмица, шест нови афоризми на велешкиот афористичар „Коки“

Започнете го денот со насмевка преку новите шест афоризми на нашиот афористичар Никола Бошков „Коки“, кои се секогаш уникатни и ја опишуваат реалната слика на животот.

-Би сакал да поверувам дека секој човек во својот живот имал барем еден рај…со некоја Ева.

-Постојано ме измачуваат ноќни кошмари: ме обвиваат и влечат во длабочина огромни ОКТОПОДИ, колваат ЦРНИ ОРЛИ , растргнуваат крвожедни ЛАВОВИ.

-Некои луѓе обрнуваат поголемо внимание на движењето на курсот на девизите,отколку на движењето на своите сопруги.

-Кога сите би се женеле со паметни девојки, тогаш што ќе прават убавите.

-Неколкумина гости во кафеана се обидуваат да докажат дали навистина во виното е вистината: докажувањето е во тек.

-Некои фолк-пеачки се толку многу срамежливи, што сега ќе започнат и спотовите да ги снимаат…облечени.

Афористичар

Никола Бошков – Коки