Иванов и Пендаровски во вториот круг на Претседателските избори

Државната изборна комисија ги соопшти првичните резултати од првиот круг на претседателските избори. Во општина  Велес, вчера на 84 ИМ, излегле и гласале вкупно 29.898   или 64,23  отсто од вкупно запишаните 46.548 гласачи.

За Ѓорге Иванов гласале 17.738 граѓани, за Иљаз Халими 142, за Стево Пендаровски 10.355 и за Зоран Поповски 1.105 граѓани со право на глас.

Во општина Чашка на 30 ИМ правото на избор го искористиле 2.606 или  44,62 отсто од запишаните 5.838 граѓани. За Ѓорге Иванов гласале 1.408, за Иљаз Халими 230, за Стево Пендаровски 655 и за Зоран Поповски 53 избирачи.

Во општина Градско на 11 ИМ  излегле и гласале гласале 2.198 или 70,04 отсто од запишаните3 173 граѓани. За Ѓорге Иванов гласале 1.311, за Иљаз Халими 18, за Стево Пендаровски 755 и за Зоран Поповски 79 граѓани со право на глас.

Во општина  Лозово од вкупно запишани 2134 граѓани со право на глас, вчера на 9 ИМ  излегле и гласале 1.521  или 71,54 отсто од запишаните избирачи. За Ѓорге Иванов гласот го дале 989, за Иљаз Халими 11, за Стево Пендаровски 439 и за Зоран Поповски 32 граѓани.

Во вториот круг на претседателските избори, што ќе се одржи заедно со вонредните парламентарни, на 27 април граѓаните ќе избираат помеѓу кандидатите на двете најголеми партии, владеачката ВМРО ДПМНЕ и опозициската СДСМ поточно помеѓу Ѓорге Иванов и Стево Пендаровски./Д.С