Денеска ќе се одржи 67 седница на Совет на Општина Велес

Претседателот на Советот, Даниел Јаневски, на членовите на Совет на Општина Велес им предлага дневен ред составен од 42 точки. Дваесет и тројцата Советници се очекува да го разгледаат Кварталниот извештај на Општина Велес, да донесат одлуки за давање на времено користење на простории сопственост на општината на граѓански организации и за затворање на Депонија за земја, шут и друг отпаден градежен материјал, за потреби од доесување на урбанистичка планска документација со цел вклопување на бесправни објекти на три катастарски области, да разгледаат Годишни извештаи за работа и прифатат Програми за работа на училишта како и согласности за формирање на паралелки со помал број на ученици од законски утврден минимум но и планови за вработување освен во училиштата и на ЈКП „Дервен“.

Исто така, Советниците ќе го разгледуваат и работењето на Стационар „Шепа“ и Иницијативата на велешката бизнис заедница за начинот на пресметка на комунален отпад поточно за повторното враќање на пресметувањето по м3 наместо м2 отпад од капацитетите на фирмите и компаниите на територијата на општината.

Убавка Јаневска