Двајца кавадарчани украле автомобил
Објавено на 31 август, 2022 во 13:40
Од дворот на шеесет и шет годишниот Г.М од Кавадарци, ноќта помеѓу 29 и 30 август, бил украден неговиот автомобил „форд“ со кавадаречки регистарски ознаки во коишто имало риболовна опрема. Од Министерство за внатрешни работи информираат дека во текот на вчерашниот ден, полициски службеници ги лишеле од слобода триесет и три годишниот Х.В и шест години помладиот Е.В од Кавадарци коишто се сомничат дека биле крадците на автомобилот.
– Одземените предмети и возилото биле пронајдени и вратени на сопственикот, пишува во соопштението на МВР.
Двајцата кавадарчани биле задржани во полициска станица и по целосно документирање на случајот ќе следи соодветен поднесок.
Стефани Манева
