Двајца велешани каснати од оси, еден починат
![](https://duma.mk/wp-content/uploads/2022/07/osa.png)
Двајцата велешани во ист временски период биле искасани од оси и пренесени во велешка болница. Еден од нив со фатални последици по неговиот живот.
Според д-р Весна Николовска Неделкова, пациентот на околу 30 годишна возраст, бил пренесен во велешка болница, на Интерно одделение и по укажаната лекарска помош и соодветната терапија бил испратен на домашно лекување. Додека, вториот случај, 60 годишниот маж, починал.
-Во ЈЗУ Општа болница Велес донесени се двајца пациенти искасани од оса. Едниот од нив е донесен во лоша здравствена состојба и без знаци на живот. Реанимиран е но без успех, додаде Неделковска.
Шеесет годишниот велешанец бил искасан од оси на своето работно место во населба Речани и веднаш била повикана Брза Помош. Според д-р Василка Пановска началничка на Итната помош во Велес, кога тие стигнале кај пациентот во Речани тој бил искасан и во кома.
-Случајот беше пријавен во 11:05 часот. Лицето беше во кома со повеќе убоди од оси на рацете, лицето и целото тело. Веднаш го резнимиравме и му дадовме соодветна терапија, бидејќи беше очигледно дека лицето е аларгично на оси, во состојба на кома итно го транспортиравме во велешката болница, додава д-р Пановска.
Во текот на летниот период каснувањата од оси пчели, стршлени ,чкрапји и други инсекти е скоро секојдневие. Годинава до сега немало пријавени случаи од каснување од змија, но во претходните лета имало, посебно на работници и други лица кои работат во полињата и на отворено.
Стефани Манева
![](https://duma.mk/wp-content/uploads/2021/05/SEMM.jpg)