Издумани Крлевизми: „Кај нас сѐ повеќе лаги! Така е, кога извезуваме вино“
Објавено: 13 февруари, 2026, во 16:13 часот
Во духот на утрешното одбележување на празникот на лозарите „Свети Трифун“. афористичарот и сатиричар Атанас Крлевски ги напиша следниве 10 афоризми:
„Во домаќинска куќа секогаш има ракија – рече Атанас и побрза кон комшијата.“
„За пијаниот секој пат е тесен, а го гледа двојно.“
„Долг е патот од закројувањето до виното, но се заборава по првата вкусена капка.“
„Пијам, за да заборавам да пијам!“
„Виното е иницијална капсула за да пукне вистината.“
„Кај нас сѐ повеќе лаги! Така е, кога извезуваме вино.“
„Во виното е вистината. Оди, верувај му на пијан!“
„Со сопругата имаме исти вистини. Пиеме вино од иста чаша.“
„Пиев за да ја заборавам. Таа ме заборави мене.“
„Чашата се прелева и од празнење чаши.“
Вашиот, Атанас Крлевски
