Издумани Крлевизми: „Во мое време денешните генијалци би ги викале поинаку“
Објавено: 6 март, 2026, во 09:11 часот
Петок е и време за најновите афоризми на Атанас Крлевски. Еве што за читателската заедница на Дума.мк напиша афористичарот и сатиричар:
„За настан од пет минути, жените се подготвуваат со денови.“
„Мажите настан од пет минути го раскажуваат со денови. Ако се во кафеана.“
„Во мое време денешните генијалци би ги викале поинаку.“
„Секаде сум посакуван гостин, ама сите домаќини се порадосни кога си одам.“
„Грешките немаат теорија. Сите се чиста пракса.“
„Роговите на мажите се симптом на кусогледоста.“
„Едни гледаат и со мозокот, а други не гледаат ниту со очите.
„ Пред да пресечеш едно дрво, засади две! “
„Никој не доживеал длабока стара слава.“
„Чистата совест е прво дете на чистата душа.“
Вашиот,
Атанас Крлевски
