Кавадарчанец осуден на 15 години казна затвор
Објавено на 20 септември, 2022 во 09:44
Триесет и девет годишниот М.Ј од Кавадарци е осуден на 15 години казна затвор за сторени повеќе кривични дела по член 131, член 237 и член 396 од Кривичниот законик. Полициски службеници од Оперативен тим потраги при СВР Скопје, вчера, во 18:00 часот го лишеле од слобода на улица „Блажо Алексов“ во Кавадарци.
Од Министерство за внатрешни работи соопштија дека за него била распишана централна потерница од Казнено – поправната установа Затвор Идризово – Скопје кадешто имал за доиздржување уште една година и пет месеци.
Кавадарчанецот бил спроведен во казнено – поправната установа за доиздржување на казната.
Стефани Манева
Поврзано:
