Маж и жена од Велес се тумбале со кола кај Каратманово

Шеесет и осум годишен маж и две години помлада жена, вчера поручек, се тумбале со кола кај раскрница Каратманово. Сообраќајната незгода во 16:00 часот била пријавена во Брза помош во ЈЗУ Здравствен дом Велес и екипа веднаш излегла на местото на незгодата.

-Примен е повик за сообраќајна незгода, поточно истумбана кола кај раскрсница Каратманово. Повредени беа две лица, маж со повреда на глава и жена со површни повреди на глава и граден кош но во свесна состојба. По дадената прва помош, со возило на Итна медицинска помош двајцата пациенти се пренесени на Хирушко одделение во велешката болница, рече др Василка Пановска Поп-Стефанова началник на Итна медицинска помош.

Од велешката болница соопштија дека двајцата пациенти биле примени на хирушкото одделение и веднаш им биле извршени прегледи.

-И кај двајцата пациенти е направена опсервација. Кај мажот по направените прегледи не се констатирани повреди, додека кај жената констатирани се лесни телесни повреди, направени се потребните испитувања, задржана беше неколку часа во болница по што е пуштена на домашно лекување, рече др Елена Левкова Ќулумова портпаролка на велешка болница.

Стефани Манева