(Обновено) Пензионер од Неготино е загинатиот пешак во сообраќајната несреќа кај „Пуста Кула“
Објавено на 14 август, 2023 во 15:47
Седумдесет и седум годишниот Д.С од Неготино загина утрово околу 9:50 часот на автопатот Велес – Скопје, кај зимски пункт на ЈП Македонија пат. Неготинецот бил пешакот во кој удрило патничко возило марка „фолксваген голф“ со романски национални ознаки, управувано од Д.С.Ц.(41) од Романија,
Од здобиените повреди пешакот Д.С. починал на местото, а смрт констатирал лекар од Итна медицинска помош. Увид на местото извршиле јавен обвинител и екипа од СВР Велес.
Загинатиот Неготинец бил пензионер кој организирано патувал на пензионерскиот протест во Скопје. Полицијата и обвинителството ќе треба да ги утврдат причините како загинатиот пензионер се нашол на коловозот на автопатот и каде одел додека го преминувал автопатот.
Убавка Јаневска