ОЈО Кавадарци: Лекарка обвинета за несовесно лекување на штитеник во Специјалистичкиот завод – Демир Капија
![](https://duma.mk/wp-content/uploads/2022/03/OJO_kavadarci-fin.jpg)
Основното јавно обвинителство Кавадарци до надлежниот суд поднесе Обвинителен предлог против едно лице за кривично дело – Тешки дела против здравјето на луѓето од член 217 став 4 во врска со член 207 став 3 во врска со став 1 од Кривичниот законик.
Од Основно јавно обвинителство Кавадарци соопштија дека обвинетата, како лекар-специјалист по општа медицина, била ангажирана со договор за повремени и привремени работи во Јавната установа Специјалистички завод Демир Капија – станбена единица во село Куршеница.
„Таму, во периодот од 01.10 до 05.10.2020 година, укажувала лекарска помош заради покачена телесна температура и дијареа на едно оштетено дете, родено 2009 година, сместено во Заводот како лице со тешко нарушување на психо-физичкиот развој и церебрална парализа. Меѓутоа, спротивно на Договорот, здравствената помош ја укажувала без да изврши непосреден физикален преглед на детето, ординирала терапија и неговата состојба ја следела со телефонски известувања, не дала инфузија, па поради тоа дошло до влошување на здравствената состојба на детето, настанала дехидрираност на неговиот организам и на 05.10.2020 година настапила смрт“, пишува во соопштението на ОЈО Кавадарци.
Стефани Манева
![](https://duma.mk/wp-content/uploads/2021/05/SEMM.jpg)