Откриен крадец на бакарен кабел од рампите на преминот на мост „Гемиџии“

Полициски службеници на Сектор за внатрешни работи Велес вчера, во 13:10 часот, го лишиле  од слобода С.О.(22) од Велес којшто  се сомничи дека ја извршил последната кражба на бакарен кабел од железничкиот премин на мост „Гемиџии“ во центарот на Велес. Осомничениот со кражбата ја оневозможил работата на подвижната рампа на железничката пруга Скопје – Гевгелија, која минува низ Велес.

„Тој се сомничи дека на железнички патен премин на улица „Илинденска“ во Велес со употреба на подесен алат одзел бакарен кабел што служи за кревање и спуштање на рампата. Увид на местото ивршила увидна екипа на СВР Велес, соопшти портпаролката Биљана Ѓаковска.

Од полицијата додадоа дека по документирање на настанот против него ќе биде поднесена соодветна пријава.

Убавка Јаневска