РЦУК Велес: Во Вардарски регион снег наврна во кавадаречко, патните правци се проодни а коловозите влажни

Регионалниот Центар за управување со кризи Велес известува дека сите регионални и магистрални патни правци во Вардарскиот регион се проодни, во зимски услови со влажни коловози.

На високите делови во Општина Кавадарци, вчера, имаше врнежи од снег. Таму зимската служба на ЈП „Комуналец Кавадарци“ интензивно работи на чистење на патните правци, на високите места, од наноси на снег.

На патниот правец Неготино – Штип, кај Серта, имало неколку одрони што од екипи на  ЈП за одржување и заштита на магистралните и регионалните патишта веднаш беа расчистени..

ТППЕ Велес и ТППЕ Кавадарци имале по една техничка интервенција, поради заглавено возило и паднати гранки.

Убавка Јаневска