Собрани 40 крвни единици на крводарителска акција во ООУ „Блаже Конески“

Четириесет крвни единици беа собрани на денешната традиционална крводарителска акција одржана во основното општинско училиште „Блаже Конески“ по повод патрониот празник. Од Црвен крст на РСМ – Општинска организација Велес соопштија дека на акцијата учествувале вработени во училиштето и родители на учениците. Двајца од нив за прв пат дарувале крв и станале дел од најхуманото семејство.

Во реализацијата беа вклучени тројца волонтери од Клубот на млади.

Оваа крводарителска акција велешки Црвен крст и основното училиште ја спроведоа заедно со Инситут за трансфузиона медицина од Скопје.

Стефани Манева