Турнат сообраќаен знак „лежи“ на тротоар на главна улица во Велес

Знакот што треба да го регулира правецот на движење на возилата на улица „Благој Ѓорев“, под парковската површина на Здравствен дом Велес, од минатиот викенд е „спружан“ на тротоарот. Пешаците го заобиколуваат или прескокнуваат додека возачите ги паркираат возилата и без знакот да ја извршува намената за којашто бил поставен.

Тоа што може да се забележи на железната шипка, на којашто закачен е сообраќајниот знак, како да е пресечен со соодветен алат.

Според Велешани кои што живеат во околните куќи никој засега не се сторил стопан поточно не покажал дека е надлежен да го врати во функција знакот или да го тргне и транспортира за да не биде цел на кражба. За овие граѓани ова пример е и показател за што се непотребно се трошат народните или граѓански пари!

Убавка Јаневска