Уапсени двајца Неготинци, краделе предмети од училиштето во село Криволак

Полициски службеници на Одделение за внатрешни работи Неготино,вчера, 30 декември, во 13:00 часот ги лишиле од слобода Д.Н.(19) и Ф.М.(21), двајцата од село Криволак, неготинско. Тие се сомничат дека во периодот во два дена, поточна на 29 и 30 декември, годинава, одзеле повеќе предмети од општинско основно училиште во село Криволак.

-Предметите биле пронајдени и вратени во училиштето. Лицата Д.Н. и Ф.М. биле приведени, известен бил јавен обвинител и по документирање на настанот против нив ќе биде поднесена соодветна пријава, соопшти Биљана Ѓаковска портпаролка на Сектор за внатрешни работи Велес.

Ангел Данов