Успешна крводарителска акција во велешката Гимназија „Кочо Рацин“
Објавено: 11 декември, 2025, во 15:08 часот
Во Гимназија „Кочо Рацин“ денес се одржа уште една успешна крводарителска акција по повод патрониот празник на училиштето. Учениците, наставниците и вработените ја покажаа својата хуманост и поддршка кон заедницата, дарувајќи вкупно 17 крвни единици.
-Со оваа акција, вкупната бројка на собрани крвни единици на трите есенски крводарителски акции во велешките средни училишта достигна 75 крвни единици, што претставува значаен придонес за заедницата и уште една потврда за хуманоста на младите во Велес, соопштија од Црвен крст Велес.
Акцијата беше организирана со поддршка на волонтерите од Црвен крст на РСМ – Општинска организација Велес, а во нејзината реализација учествуваше и екипа од Институтот за трансфузиона медицина од Скопје.
Стефани Манева
