Разбојник ограби аптека во Велес!
Објавено на 19 јануари, 2013 во 13:52
На фармацевтката и се заканил со нож по што го изнудил дневниот промет.
Ограбена е аптеката„Цитофарм“, која се наоѓа на улицата Димитар Влахов во Велес. Грабежот се случил синоќа околу 18 часот и 45 минути. Тогаш во аптеката сама била сопственичката Н.Ѓ на која разбојникот и се заканил со нож кога и барал да му го даде дневниот промет од продажбата на лекови.
Штом ги добил парите, околу 5000 денари, разбојникот избегал од аптеката. Грабежот е пријавен во полициската станица во Велес. Увид на лице место извршила екипа на СВР Велес. Портпаролот Ненко Александров за дума.мк рече дека се превземаат мерки за пронаоѓање на сторителот и за расветлување на грабежот.
Поврзано:
