Во велешка болница починати двајца пациенти како последица од коронавирусот, во моментов хоспитализирани 49 граѓани

11.03.2021

Во велешка болница како последница од коронавирусот починати се две лица, 82 годишен пациент од Велес и 75 годишен од Демир Капија. Двајцата биле лекувани два дена на Инфективно одделение.

Во моментов хоспитализирани се 49 лица од кои 35 позитивни, осум сомнителни и шест лица со негативен бриз но задржани на болничко лекување.

-На кислородна поддршка се 18 пациенти а во текот на денот испишан е еден пациент како оздравен со еден негативен тест, рече потпаролката д-р Елеонора Јованова.

Од хоспитализираните, на Инфективно одделение се лекуваат 41 и на Интерно одделение осум пациенти.

Стефани Манева