Велешки Црвен крст им се заблагодари на сите волонтери и доктори кои несебично помагаат таму кадешто е потребно

По повод 5-ти декември, светскиот ден на волонтерството, велешки Црвен крст организираше настан на којшто оддаде почит и се заблагодари на сите волонтери кои несебично помагаа и работеа со цел да помогнат на оние на коишто им е најпотребно.

За време на настанот благодарници бeа доделени на младите херои Клара Арсовска, Вероника Гијовска, Ива Зврцинова, Ванеса Христова и дисеминаторот Ружица Костовска. Тие изминатиот период менторирале при изработка на проекти во рамки на програмата на Црвен крст во промоција на хумани вредности.

Исто така, голема благодарност се упати и кон докторите коишто во текот на оваа година обучиле 1000 ученици, 800 кандидати за возачи, повеќе од 100 вработени во велешките детски градинки како и работници од повеќе компании како да пружат прва медицинска помош и да спасат нечиј живот.

– Благодарници добија д-р. Кевица Шопова Клифова, д-р. Василка Пановска, д-р. Јадранка Мишкова, д-р. Марија Давчева, д-р. Филип Тодоровски, д-р. Родна Јорданова, д-р. Владо Хаџи Наумов, д-р. Мартин Хаџи Наумов, д-р. Атанас Георгиевски, д-р. Горан Богатинов, Тања Јаковлевска, Сашка Димчевска и Биљана Карова, соопштија од велешки Црвен крст.

За време на настанот беа прикажани кратки видеа со тоа што волонтерите од оваа организација работеле во текот на 2022 година.

Стефани Манева