Ветераните на ЗГ„Велешки акцијаши“ годинава со две македонски општински признанија и ударничка значка на словенечкиот заменик градоначалник на Општина Рибница на Похорје (видео и фото)

За доброволната работа преку која чистеа од смет регионални патишта, дворови на локални институции, фудбалски стадион во Чашка како и дворот на велешка Општа болница а бетонираа и простор за проширување на паркинг во комплексот цркви и манастир на јужниот излез на Велес, ветераните на ЗГ„Велешки акцијаши“ се наградени од двете општини со највисоки признанија. Општина Чашка и Општина Велес им додели благодарници на одбележувањето на денот на ослободувањето од фашистичкиот окупатор или денот на општината.

Но освен дома, ветераните на ова акцијашко здружение се препознатливи и на просторите на поранешната држава Југославија. Соработката со исто така поранешни младински работни бригади учесници на поранешни Сојузни младински акции, во кои тогаш се градеше татковината, сега во ветеранските денови, се споени и подготвени за помош во најнепосакуваните случувања како што се елементарните непогоди.

Поплавите на областа Корушка, во Словенија, беа причина актуелниот заменик градоначалник на Општина Рибница на Похорје, Ненад Лауко да ги повика пријателите од сите екс југословенски држави. А македонските акцијаши ветерани, за само пед дена, се подготвија во мини бригада и заминаа во Словенија каде помагаа на граѓани со поплавени куќи, помошни простории, лични и магацини на компании, згради на институции, мостови и друга патна инфраструктура.

И токму за таа помош, Делчо Костов претседател на ЗГ „Велешки акцијаши, како еден од осуммината македонски акцијашки ветерани  е добитник на ударничка значка.

Костов порача дека „Кога ќе се здружат рацете на младите бригадири со на старите ветерани“ тогаш граѓаните било каде, освен во Македонија, можат да очекуваат спас од последици на елементарни непогоди, уредување на уште поголем број на јавни површини, собран смет од патишта и градење на јавна свест за заштита на животната средина. Поточно поубави, поуредени и почисти градови и населени места.

Убавка Јаневска