(Видео и фото) Ангелов на средба со Јанчев и кавадаречките пожарникари, се возеше во легендарниот противпожарен ,,ФАП”

Директорот на ЦУК, Стојанче Ангелов и градоначалникот на Општина Кавадарци, Митко Јанчев беа во посета на  Територијалната противпожарна единица Кавадарци кадешто ги разгледаа противпожарните возила и секако најстарото, коешто е исправно и добро одржувано возило, од марката „ФАП 13“ произведено во 1976 година.

Во противпожарната отворена канцеларија – кавадаречката ПП гаража, Ангелов и Јанчев, денеска во непосреден разговор со пожарникарите разменија мислења за оперативните можности и досегашни искуства при гаснење пожари на отворено, особено за шумски пожари.

Ангелов изрази голема благодарност и им оддаде признание на 30 кавадаречки пожарникари кои се одѕиваат на секој повик за помош при пожари на територијата насекаде низ државата. При средбата со кавадаречките пожарникари Ангелов, кусо пробно го возеше легендарниот противпожарен ,,ФАП 13” заедно со пожарникар на ТППЕ Кавадарци.

Извор: ЦУК

Дума.мк