(Видео и фото) Изгаснати двата пожари,вчера, првиот помеѓу села Папрадиште и Ореше, како и кај Бузалково во општините Чашка и Велес

Во 37 пожари на отворено коишто се изгаснати во државата, во текот на вчерашниот ден, Центар за управување со кризи го евидентира и пожарот во Општина Чашка помеѓу селата Папрадиште и Ореше.

Во текот на вчерашниот ден огнот што се разгоре на првично ставениот под контрола пожар на површината со дабова и букова шума, млади насади од шума и ниска вегетација повторно од воздух го гаснеа два ер трактори од Кипар како и 10 вработени на ЈП Национални шуми и пет вработени на Општина Чашка.

Видео материјалот од гаснењето на пожарот во текот на вчерашниот ден како и фотографијата од опожарената површина фотографирана денеска на Дума.мк и ја испрати Влатко Јовановски, вработен во ШС „Бабуна“ Велес.

Според информации на ЦУК во текот на вчерашниот ден изгаснат е пожарот во којшто гореше ниска вегетација кај село Бузалково. Директорот на ЦУК, Стојанче Ангелов информира дека вчера, четврток, 08 август 2024 година, на територијата на Македонија имаше вкупно 46 пожари на отворен простор, од кои во моментов два се активни, седум се под контрола и 37 се изгаснати.

Убавка Јаневска