Врз малолетен кавадарчанец паднал метален предмет од рингишпил

Малолетник од кавадарци се здобил со телесни повреди откако врз него паднал метален предмет од рингишпилот поставен во Кавадарци. Случајот во Одделение за внатрешни работи Кавадарци го пријавиле од кавадаречката болница откако ги констатирале повредите кај малолетникот кој бил донесен кај нив.

-На 30.08.2024 во 00.40 часот во ОВР Кавадарци бил извршен службен разговор со В.К.(38) од Прилеп, сопственик на рингишпилот во Кавадарци, по претходно пријавен настан од болницата во Кавадарци, пишува во дневниот билтен на СВР Велес.

Извршен е увид од увидна екипа од ОВР Кавадарци и се преземаат мерки за расчистување на случајот.

Дума.мк