За два дена 260 велешани примија  вакцина против сезонски грип

Двеста и четириесет граѓани примија бесплатна и 20 велешани комерцијална вакцина против сезонски грип денеска и вчера. Сите се вакцинирани со вакцината „Influvac tetra“ на холандскиот производител „Аbot“. Вакцината е четири типна, создадена против два вида на вируси H1N1 и H3N2 од А групата како и „Аustria“ и „Phuket“ од Д видовите.

Вакцината се аплицира во Центар за јавно здравје Велес од страна на два тима на Епидемиолошката служба составени од двајца лекари и четири медицински сестри. Тие на располагање имаат уште 380 вакцини од комерцијалните кои чинат по 800 денари додека бесплатните се аплицираат по пријава кај матичен лекар кој преку Мој Термин ја најавува потребата на пациентите за вакцинирање.

-Има одзив од граѓаните. Во вчерашниот и денешен ден се вакцинираат претежно хронични болни со срцеви долести,кардиоваскуларни здравствени проблеми, болни од дијабет и други заболувања., рече д-р Билјана Трајкова специјалист, епидемиолог.

Годинава ново е тоашто право на бесплатна вакцина имаат здравствените работници. Министерството за здравство за тие што сакаат да се заштитат обезбеди доволна количина на дози. Вакцинацијата се одвива на катот на Центар за јавно здравје додека за граѓаните кои се возрасни вакциналните екипи се симнуваат и во приземјето на објектот.

Вакцинирањето се одвива секој работен ден во термини од 8:00 до 13:00 часот.

Убавка Јаневска