Здравствената состојба, срцевосадовиот систем и функционалноста на 1490 деца од Кавадарци, опфатени во проект, одговараат да бидат физички активни

Повеќе од половина од вкупно 1490 деца, ученици од второ до петто одделение во Кавадарци, имале добар физички развој но меѓу нив биле забележани и потхранети и деца со поголема тежина. Нивната функционалност, здравствена состојба, срцевосадовиот систем биле во состојба и кондиција коишто одговараат за изведување на физички активности.

Ова се резултати на проектот за мерење и следење на физичкиот развој кај учениците во училиштата во Кавадарци којшто партнерски го реализираат Факултетот за физичко образование, спорт и здравје при УИМ и Општина Кавадарци.

Според денеска дадените информации, во општинските простории, евидентираните резултати не отстапувале многу од регионалните и европските стандарди.

Проектот го следи физичкиот развој на децата, ги информира родителите за евентуални проблеми и открива спортските предиспозиции кај оваа целна група. Податоците со кои располага проектниот тим освен што се доставени на родителите денеска се испратени и до училиштата во Кавадарци.

Убавка Јаневска