Внимателно возете, можна појава на одрони на неколку патни правци!
Објавено на 5 февруари, 2013 во 08:44
По клисурите и засеците можна е зачестена појава на поситни одрони, посебно на патните правци Маврово-Дебар-Струга, Д.Капија-Удово и Катланово-Велес.
Дежурните екипи на ЈП Македонијапат се на терен, редовно ги контролират и одржуваат проодни сите патни правци.
Сообраќајот на сите магистрални и регионални патни правци низ државата се одвива непречено, во зимски услови, по наместа влажни коловози.
Појава на магла има на патниот правец Делчево – Македонска Каменица со видливост до 100 метри.
Интензитетот на сообраќај на патните правци надвор од градските средини е умерен.
На граничните премини нема подолготрајни задржувања за влез и за излез од државата.
