Од патот Виница – Берово, излета автобус!
Објавено: 6 февруари, 2013, во 16:55 часот
Од коловозот на патот Виница-Берово на место викано Липечко поле излета автобус на „Берово – транс“ полн со патници.
Меѓу нив нема повредени а без повреди се и возачот и совозачот во автобусот.
Причинета е материјална штета на автобусот кој сообраќал кон Берово.
Според првични информации несреќата ја предизвикал автомобил кој излегол од бензинската пумпа на излезот на Виница.
Автобусот доаѓал од спротивната страна а автомобилот му го пресекол патот.
За директно да не се удрат автобусот се обидел да го избегне возилото и излетал од патот.
Истражните органи извршија увид на местото од кој треба да се утврдат причините за сообраќајката.