Од утре повторно зима во Македонија!

Управата за хидрометеоролошки работи информира дека од утре попладне Македонија ќе биде зафатена од циклонот Иберија кој ќе предизвика облачно време со врнежи од дожд на пониските места и снег на планините.

Во попладневните часови температурите ќе паднат, ќе започне да дува засилен ветер од северен правец и врнежите од дожд ќе поминуваат во снег и на пониските места.

Можно е формирање на снежна покривка и на пониските места.

Утринската температура ќе се движи од 1 до 6, а дневната од 5 до 11 степени.

Метеоролозите прогнозираат дека најголема снежна покривка, од околу 20 сантиметри, се очекува да биде формирана во југозападните, јужните и во источните делови од земјава.