АМСМ: Внимателно возете!
Објавено: 25 февруари, 2013, во 09:25 часот
Сообраќајот на сите магистрални и регионални патни правци низ државата се одвива без забрани, по влажни коловози, информира АМСМ.
Сообраќајот на патниот правец Удово-Валандово кон поради обилни врнежи на дожд беше отежнат, утринава е нормализиран.
На патниот правец Демир Капија – Удово, кај тунелите на Демир Капија, се изведуваат градежни работи на пат.
Поставена е светлечка сообраќајна сигнализација и можни се повремени кратки застои во одвивањето на сообраќајот на тој дел од патот.
На автопатот Е-75 на патниот правец Велес-Скопје во тунелот кај Катланово поради изведување работи на електричната мрежа-осветлување, сообраќајот се одвива по една коловозна лента, каде е поставена и соодветна сообраќајна сигнализација.
Се очекува работите да потраат околу еден месец.
АМСМ препорачува внимателно возење, прилагодена брзина на движење и почитување на поставената сообраќајна сигнализација.
Посебно внимание е потребно на делниците кои минуваат низ клисурите и засеците, особено на патните правци Катланово-Велес, Маврово-Дебар-Струга, Демир Капија-Удово, Кочани-Делчево и Берово-Виница, каде е можна почеста појава на одрони.
Дежурните екипи на ЈП „Македонија пат“ се на терен и редовно ги контролираат и одржуваат проодни сите патни правци.
Интензитетот на сообраќај на патните правци надвор од градските средини е умерен.
На граничните премини нема подолготрајни задржувања за влез и за излез од државата.
Задолжително е носењето на зимска опрема во возилата.
