Од вечерва, летното сметање на времето!
Објавено на 30 март, 2013 во 12:56
Со поместување на часовникот за еден час нанапред, ноќеска, започнува летното сметање на времето.
Во 2 часот по полноќ кога со поместување на стрелките еден час нанапред ќе се смета дека е 3 часот по полноќ, информира Бирото за метрологија.
Целта на поместување на времето е најмногу за заштеда на електрична енергија.
Со поместување на часовниците се овозможува во попладневните часови да се добие повеќе дневна светлина додека утрата да бидат пократки.
Вообичаено е часовниците да се поместуваат еден час нанапред на пролет, а да се враќаат еден час наназад на есен.
Летното сметање на времето ќе заврши на 27 октомври годинава.
