Наредната недела, во Њујорк, средба Нимиц, Јолевски и Василакис!
Објавено на 2 април, 2013 во 07:01
Средбата на посредникот на Обединетите Нации во спорот за името меѓу Македонија и Грција, Метју Нимиц, со преговарачите на Македонија, Зоран Јолевски и на Грција, Адамантиос Василакис, ќе се одржи во седиштето на ОН во Њујорк на 8 и 9 април.
Нимиц испратил покана која е прифатена од двајцата преговарачи, соопштуваат од ОН.
Посредникот Нимиц прво ќе се сретне со преговарачите поодделно, по што ќе следи и заедничка средба, заради продолжување на преговорите за изнаоѓање заемно прифатливо решение за спорот за името.
