Во Струга нема да се прегласува!
Објавено: 12 април, 2013, во 20:51 часот
Државната изборна комисија одби 13 од вкупно 17 приговори на ВМРО-ДПМНЕ за Струга. Со тоа Зијадин Села од ДПА останува градоначалник на оваа општина.
Два приговори се прифатени но бројот на гласови на овие избирачки места, 1487 не може да влијае на конечниот исход бидејќи разликата меѓу Села и заедничкиот кандидат на ВМРО-ДПМНЕ и СДСМ Владо Кочоски е околу 5000 гласа. Во ДИК ќе бидат донесени и две гласачки кутии од Струга за да се утврди дали во нив биле уфрлени повеќе гласачки ливчиња од бројот на регистрирани гласачи, јави Алфа тв.
ДИК треба да разгледа и 252 приговори на СДСМ за 15 општини. Во претходните два дена беа одбиени 33 приговори на ВМРО-ДПМНЕ за Куманово и 60 за Центар, 16 на НДП за Гостивар, 4 на ДУИ за Студеничани и 2 на ДПА за Чаир и Врапчиште. Партиите имаат право на приговор и до Управниот Суд./A.Д
извор: Алфа