УХМР: Денеска сончево време од утре поменливо облачно со повремени врнежи од дожд

05.04.2021

Времето денеска ќе биде сончево со мала до умерена локална облачност. Претпладне ќе дува слаб до умерен ветер од северен, а од пладне ветерот ќе го промени правецот во југоисточен.

Нов влажен бран се очекува утре кон крајот на денот, во текот на ноќта и во среда, кога ќе преовладува променливо облачно време со повремени врнежи од дожд, а на планините особено во северните делови со врнежи од снег.

Во среда и во четврток ќе дува засилен северен ветер, а од четврток и во деновите потоа ќе има стабилизирање на времето со утрински температури кои на повеќе места ќе бидат негативни. Дневните температури ќе бидат во постепен пораст.

Стефани Манева