Македонија под влијание на екстремно топол бран!
Објавено: 22 јули, 2025, во 08:42 часот
Територијата на Македонија во текот на оваа работна недела ќе биде под влијание на екстремно топол бран од југ, односно од Африка. Времето ќе биде сончево и екстремно топло со мала локална облачност. Повремено ќе засилува фенски ветер претежно од западен и од југозападен правец, гласи временската прогноза на метео прогнозерот Славчо Поповски.
„И во Скопскиот регион во текот на оваа работна недела времето ќе биде сончево и екстремно топло со мала локална облачност. Повремено ќе засилува фенски ветер претежно од западен и од југозападен правец.
Што се однесува до температурите, тие речиси насекаде ќе надминуваат 35 степени, а во Повардарието тие ќе надминуваат и 40 степени, односно, во Повардарието, вклучувајќи го и Скопскиот регион температуите ќе се искачуваат до околу 42/43 степени.
Ув индексот ќе има многу висока до екстремно висока вредност и ќе изнесува 9. Токму поради ова апелирам, граѓаните доколку немаат потреба да не излегуваат во најтоплиот дел од денот, од 10 до 17 часот, и да пијат повеќе течности,“ додава Поповски.
Дума.мк
