Метеопрогнозерот Поповски: Пред нас уште една невообичаено топла недела за февруари

И во текот на оваа недела продолжува натпросечното топло време во Македонија, но и пошироко во регионот. Меѓутоа повремено ќе има нешто повеќе облачност, а повремено ќе има услови и за сосема слаб локален дожд, особено утре, објави „Метеоаларм“.

-Ветерот ќе биде сосема слаб и од променлив правец, но одсега гледано, за време на следниот викенд ќе започне да засилува ветерот од јужен правец. Што се однесува до температурите на воздухот, тие наутро на повеќе места ќе се спуштаат до околу, или за некој степен под нулата. Максималните дневни температури на воздухот ќе се искачуваат во интервалот помеѓу 7 и 14 степени, додека кон крајот на работната недела, и за време на следниот викенд тие во најтоплите централни и југоисточни предели ќе надминуваат 15 степени, соопшти метеопрогнозерот Славчо Поповски.

Според него, снегот сеуште го оставаме на чекање.

-Уште една натпросечно топла седмица пред нас, со невообичаено високи температури на воздухот за февруари месесц, сепак за време на следниот викенд длабок циклон со центар над северозападна Европа ќе услови промена на времето кај нас и најверојатно врнежи претежно од дожд, а снег само на високите планини, исто така следниот викенд ќе бидеме под влијание на ново јужно воздушно стурење, со што ќе дува и засилен ветер од јужен правец, пишува во објавата на метеоролошкиот медиум ” Метеоаларм”.

Дума.мк