Нè очекува топол викенд со температура до 19 степени
Објавено на 17 февруари, 2023 во 09:41
УХМР информира дека денеска времето ќе биде сончево со мала до умерена облачност. Ќе дува слаб до умерен ветер од западен и северозападен правец.
Минималната температура ќе биде во интервал од минус 5 до 2, а максималната ќе достигне од 10 до 17 степени.
Минималната температура ќе се спушти до минус 3, а максималната ќе достигне 13 степени.
Во следните денови продолжува периодот на стабилно и потопло време, а особено топло ќе биде за време на викендот кога дневната температура ќе биде над просекот за овој период од годината. Максималната температура ќе се искачи од 10 до 19 степени.
Во понеделник во западните делови ќе има преодно зголемување на облачноста со услови за слаб локален дожд.
Дума.мк
