Нема продолжување на учебната година- преговорите помеѓу СОНК и МОН продолжуваат

Владата одлучи дека нема да има продолжување на учебната година.

Владата на редовната 44 седница ја донесе Одлуката за утврдување на бројот на наставните денови во учебната 2021/2022 година во средните училишта.

Денеска и петок ќе продолжат преговорите за зголемување на платите во образованието и градинките меѓу СОНК и Министерството за образование.

Ова ќе биде вториот и последен рок од 10 дена предвиден со заемниот договор, чиј епилог ќе одлучи дали штрајкот повторно ќе се активира или не. Исто така, од крајот на овие преговори ќе зависи и исплатата на платите за сите вработени кои штрајкуваа.

„Верувам дека процесот на разговори со СОНК ќе даде решение, дека ќе имаме расат на платите на наставниците и методологија која ќе овозможи раст на платите во иднина. Но не едноставен раст, туку раст проследен со зголемување на ефикасноста и продуктивноста“ рече премиерот Димитар Ковачевски во Дневникот на Сител.

Тој додаде дека во разговорите со СОНК транспарентно биле изложени фискалните и монетарните претпоставките за државата, но дека и покрај разговорите тие веднаш повикале на штрајк.

„Со синдикаатите имавме исклучително успешни разговори за минималната плата, а сите пореметувања на светските берзии покажаа дека тоа е вистински потег. Оние што се најмалку платени, тие најмногу придонесуваат во економијата. Најголем дел од примателите на минимална палта работат во приватен сектор, а тие се тие кои го плаќаат и јавниот сектор кој брои 132 илјади вработени“ рече Ковачевски.

Премиерот додаде дека платите на вработените во јавниот сектор ги плаќаат тие кои работат во приватниот и дека за возвраат на тоа тие очекуваат подобрени услуги, кои ќе го подобрат нивниот живот.

Генералниот штрајк во образованието почна на 11 април и траеше до 28 април .Владата, понуди покачување на платите од 12 отсто.