Регистрирани 37 новозаразени со коронавирус, нема починати лица
Објавено на 3 август, 2021 во 14:41
Од направени 3.658 тестирања, регистрирани се 37 нови случаи на Ковид-19, информираат од Министерството за здравство.
Според нивниот извештај, новозаразените се од Скопје 15, Тетово 8, Куманово 4, Гостивар 3, Кичево 2, Битола, Струмица, Кочани, Радовиш и Дебар по 1.
Исто така регистрирани сe 23 оздравени пациенти и не се пријавени починати лица.
Досега во земјата се направени вкупно 989.214 тестирања на Ковид-19.
Вкупната бројка на КОВИД-дијагностицирани лица во нашата земја од почетокот на епидемијата изнесува 156.543 бројката на оздравени пациенти е 150.422, на починати е 5.494, а бројот на активни случаи изнесува 627.
