Можност за легализацина на трактори и приколки
Објавено на 27 октомври, 2012 во 19:06
Голем број земјоделски производители од Тиквешијата имаат можност да ги легализираат тракторите и приколките откако на почетокот на овој месец беа донесени измените на Законот за возила. Истите ќе бидат на сила 6 месеци, период кој земјоделците треба да го искористат за започнат судска постапка за легализација на тракторите кои ги имаат купено без соодветна документација.
Од полицијата велат дека после рокот од 6 месеци за сите нерегистрирани трактори ќе се постапува согласно законските одредби.
Измените се донесени по барање наголем број граѓани и МЗШВ со цел земјоделските производители да имаат технички исправна механизација, регистрирана согласно законските прописи во земјава.
