Нетфликс подготвува спин-оф на „Stranger Things“

Стриминг компанијата Нетфликс планира да ја зајакне својата понуда со повеќе содржини по големиот успех на „Stranger Things“.

Гигантот откри дека креаторите на хит серијата, браќата Мет и Рос Дафер, ја основале Upside Down Pictures. Станува збор за нова продуцентска куќа која ќе развива филмски и телевизиски проекти. Меѓу нив е и спин-офот (нова приказна за одреден детаљ/лик од претходната серија/филм) од серијата „Stranger Things“, како дел од договорот на браќата со Нетфликс.

Компанијата навести и нова театарска продукција во светот и митологијата на серијата „Stranger Things“.

Експертите за стриминг очекуваа Netflix да ги удвои франшизите бидејќи растот на претплатниците забави и неодамна се намали. Дополнителната содржина на „Stranger Things“ е природен потег за компанијата. Не само што веќе има договор со браќата Дафер, туку „Stranger Things“ надмина една милијарда часа прегледи на платформата за стриминг, што е подвиг што го постигна само „Squid Game“.

„Мет и Рос се исклучително уникатни таленти со толку јасна визија. Не е случајно што „Stranger Things“ се проби и стана епски феномен на поп културата каков што е денес“, рече ко-извршниот директор на Нетфликс, Тед Сарандос.

Хилари Ливит, која ги разви „Orphan Black“, „Ozark“ и „The Great“, е ангажирана да ги води Upside Down Pictures.

Дополнителни проекти ја вклучуваат оригиналната серија на креаторот Dark Crystal: Age of Resistance и сериската адаптација на епскиот фантастичен роман на Стивен Кинг и Питер Штрауб – The Talisman.